Mir händs gschafft!!

Hüt morgä am eis dä CHlapf uf än Parkplatz gstellt……. und am 6si simmer scho wieder uf dä Strass!! Ehrlich gseit, han ich mir sWild Campierä chli romantischer vorgstellt……. so amä See, chli absiits vo dä Strass, no chli dussä höcklä, äs Gläsli Vino und so…..😉!! Aber das isch jetzt än Parkplatz gsie mit Lästwägä, irgendwelchi abgstellti Fraks und no anderi unromantische Camper😂!! Nach ärä churzä aber guetä Nacht (extremä hellä Nacht☀️) simmer jetzt wieder Richtig Nordkap unterwägs💪🏻 So öppä i 3-4 Stund simmer detä…..💃💃💃💃💃💃. Also 🌲🌳🌲🌳🌲🌳🌲🌳🌲häts kei meh da…… nur no grüen und natürlich Flüss und chlini Seeä. Fahräd über Hügel, chli wiä i dä Schwiiz, nur grüener.

Jetzt grad dur dä Zoll uf Norwegä….. Uhr wieder ä Stund zrugg und Strassä wieder 😱🙈

Bis jetzt hämmer ca. 400km abgspueläd….. i öppä 10 Stund!!!! Ja, das isch jetzt nöd grad än Huufä….. aber ich chan eui sägä🙈😱🤪 Strassä wiä im tüüüfä Mittelaler!! Euis häts im CHlapf durä gschütläd…..🥴 Jetzt hämmer diä Finnisch Gränzä überquert und schwup di bub isch ä Stund spöter…… 9ni am Abig und hell wiä am Namitag am drü☀️ Au da 🌳 🌲 🌳🌲🌲🌲🌲🌲🌳🌲🌳🌲🌳🌳🌳🌲🌳🌳🌳🌳 und Seeä und Flüss… überall sinds am 🚣 und am 🎣. Im Momänt mues ich sägä, dStrassä in Finnland 5 ⭐️🤭!! Mal luegä wos euis diä Nacht (wo hell isch😉) anä verschlat!!

und ich han no niemert gseh mit so närä Chappä…. so eini mit denä langä Ohrä😉

Ja, da gits jetzt nid sooo viel spannends zverzellä… dä Mike isch gfahrä und ich han vor luter Natur ä soooo müedi Augä übercho, dass ich han müesä äs Nickerchen machä🥱. Mir händ dänn mal än Picknickhalt gmacht und au mal no inän hmmmmm…… weiss gar nid wiä ich dä Ladä sel beschriebä….. ganz än chlinä quasi Kiosk wo mä cha än Kaffi usä la, chönt äs Brüneli chauffä oder Anglerzügs, oder au Zässä aller Art (nöd nur für Mänschä!!) und Ziitig und, und und….. ja detä hämmer au no äs Päusli gmacht. Ich han natürlich Glägeheit packt und chli Shopping gmacht😉 Abwäschlümpä und Schwämm händ dä Bsitzer gwächsläd!💪🏻 Das wär also spannendschtä vo Hüt gsie🤭 Ohhhh, nei….. mir händ am Strassärand sErstä Rentier gseh!!!! Bin spat gsie mit fötelä…… und jetzt grad wärend am Blogg schriebä scho Nächsti…….. jetzt isch halbi 8ti und mir suechäd euis no äs Plätzli zum pfuusä…….