Hüt gats wiiter Richtig Lofoten (Inselgruppe in Norwegen)

Da cha mä nid eifach Türä zuä und tschüss….. nei, da mues mä scho no chli öppis tuä💪🏻!! Alläs im CHlapf wieder näggelisicher machä (nüt dörf umäflüügä), Abfall entsorgä, sNavi programierä und……… sWC leerä, Grauwasser (Abwasser) ablaa und Früschwasser füllä (wüssäd ja nid wo mir anä chömäd!! Vielicht düend mir wild Campä und dänn bruuchäd mir Wasser)

Hüt hämmer dä ganz Tag nüüüüüüüt gmacht!! Pausä vom fahrä, vom Züg aluegä, vom Stellplatz suechä……. PAUSÄ!! Schööön gsie…… bin chli am Meer unä gsie und han Ebbe und Fluet gstudiert. Dä Liegestuhl, ä warmi Decki, Sunnäbrüllä, äs Buech und ich, händ am Namitag zämägfundä☺️ Han vergässä mis Gsicht igremä….. tja, jetzt rot🥴 Mir händ mega schöööns Wätter da….. blauä Himmel und Sunnä schient☀️ än Traum mit 10 Grad!!! Ahhhh…… dä Mike hät au Pausä gmacht!!! sGliechä wiä ich, nur ohni Meer, ohni Decki (isch au mini🫣) und ohni Buech!! Zu mä nä Bier simmer vo euisnä Stellplatznachberä igladä wordä…… gits garn nid!!!! Diä chömäd vo Wisädangä!!! dWält isch chli……. Spöter hämmer no Pizza gmacht uf äm Grill….. fein gsie🥰 Bim ässä isch no sHurtigruten-Schiff durä gfahrä (oder seit mä gschwummä🤔) Han gwunkä, mä weiss ja niä wär so druff isch🤗

Guets mörgeli… mir händ dä CHlapf ä so anägstellt, dass mir vom Bett us is Meer chönd luegä (romantisch, oder☺️) Also, gesagt getan….. am elfi simmer unter diä warmi Decki (da isch 8 Grad gsie i dä Nacht🥶) und händ is Meer usä gluegät….. äs isch da scho nümmä so hell i dä Nacht wiä a anderä Ort, aber immer no rächt hell. Ja was sell ich sägä, nach 10 min. Hani gnueg Wasser gseh, han dä Vorhang zogä und bin igschlafä!! Am 4ri isch looooooos gangä….. äs hät so komisch glöggläd 🔔🔔🔔🔔🔔🔔🔔!! Da hani dä Vorhang äs Spältli zrugg zogä und minä Augä nid traut😳….. da ussä lauffäd Schööf i einerä gmüets Ruä a mim Schlafzimmer verbie und glöggläd chli im Zügs umä🤣😂!! Natürlich han ich dä Mike gweckt🤭 (hät mega Freud gha) und lueg ä mal wiä herzig…… Schöööööffffliiiii🐑🐑🐑🐑🐑🐑🐑🐑🐑🐑🐑🐑 i sini Ohrä gsäuselät!! Mir händ denä no chli zuägluegät, dä Vorhang wieder zogä und gschlafä. So am 5i händ Mövä eusä CHlapf als Fluglandepistä misbruucht!! Läck isch das än mais gsie….. diä sind glandet, umä gwatschlät und händ umä gschrouä……!! Dä Mike uf wiä ä Raketä…… und hät Dachluggä uf und zuä gmacht und natürlich au so Sachä wiä… ihr schiesss Vögel und so usä la😜!! Vögel sind dänn abhauä, aber immer wieder cho güggslä cho, ob dä Mike no da isch😂🤣!! Ich han am Abig vor her no gwäschä und Wösch dussä ufhänkt… Diä isch mir dänn au no in Sinn cho….. Schöfli am umästrielä, Vögel am umä schiessä😱….. isch aber nüt passiert!! Ussert, dass sie immer no so füecht isch, wiä ich sie ufghänkt han🙈 Set aber jetzt dänn Sunnä usä dä Wolkä cho…☀️☀️☀️☀️☀️☀️

Der Unterwassertunnel ist 6875 Meter lang und liegt an der tiefsten Stelle 212 Meter unter dem Meeresspiegel…… das staat im Wikipedia!! Da simmer unädurä…. händ ja müesä!! Scho chli äs mulmigs Gfühl gha🫣

Ja, äs isch würklich schön gsie… sWätter isch dä oberhammer gsie da obä🙏☀️ Mir händ schööni Föteli gmacht, sind im Nordkap-Museum-Kino-Turistäzüügs gsie und händ natürlich au im Shop än Nordkap-Chläber für dä CHlapf kauft!! (Än Elch-Chläber hämmer in Schwedä kauft) jaaaaa, chli Deko am CHlapf cha nid schadä🤭 Eigentlich hämmer no ei Nacht welä dobä schlafä und erst morn wiiter, aber……. Wä mäs gseh hät, hät mers gseh!! Und…….. läck diä Turistä (ja🙈 mir au!!) und alli stürmäd uf das rundi Dings Bums (Globus) loos und selfi, selfi, selfi……. Uf jedä Fall, mir händs gseh und sind uf äm Abäwäg……. Wo mir landäd……. kei Ahnig!! Jetzt isch 21:30 Uhr und taghell…. mir fahräd jetzt mal……