Äs schiffäd was abä mag….. 🌧️🌧️🌧️🌧️🌧️🌧️ Mir händ euis am 10:00 Uhr uf dä Wäg gmacht Richtig Fährä wo euis uf Dänemark bringt….. zerscht aber no ä chlini Fährä (öppä so wiä Meilä – Horgä) … dänn mues dä CHlapf wieder sälber fahrä💪🏻

Ich würd sägä, Ziel erreicht!! Mir sind überpünktlich🤭😜

Diä Nacht isch dunkel gsie….. mir sind halt jetzt nümä im hochä Nordä obä… isch grad chli komisch gsie wo ich verwachet bin und nüt gseh han… Mir sind da uf ä mä Campingplatz wo vo nä rä dütschä Uswanderfamiliä gfüert wird. Sie händ mitlerwiilä scho zwei Plätz ⛺️⛺️⛺️⛺️⛺️⛺️⛺️⛺️ isch än sehr ruigä Platz… im Meer händs so Luftfloos und Lufttrampolin… mega cool!! Aber sorry, sWasser hät nöd meh als 15 Grad, wänn also wird dänn das bruucht? Isch ja jetzt Hochsummer😳!! Han uf euisärä Reis scho paar mal dänkt, „die spinnen die Nordländer!!“ Ich: mini glismätä Sockä, langi Hosä und än Fasi!!! Nordländer: bluti Bei, Birkis, Röckli oder churzi Hosä und …… meistens au än Fasi🙄!! (Scho nöd alli, aber isch mer vieeeel ä so begägnät) Uf jedä Fall hani nid lang müesä wartä…… ich han minä Ohrä nid traut, wo ich ghört han wiä Chind goissänd und gigäländ im Wasser tobäd😳!!!! Diä ziänd das voll durä….. isch Summer, da gat mä is Wasser!! Also ICH sicher nööööööööd😇!!!

Mir händ hüt än Fuulänzertag….. Ligästülälä, chli luegä was so gat….. git immer öppis zluegä😜 Luschtig isch immer, wänns am Zält ufstellä sind🤣😂!! Euisi Nachberä sind mit ä mä Wohnwagä da… ganz ä herzigi Familiä… Papi, Mami, 5 Buebä (2x Zwillinge, 12i / 7ni) und no än 5 jährigä!! Mega wiä diä Buebä spieläd…. Jetzt grad!!! Git sicher au anderi Ziitä😜!! Und… mir düend chli am Ässä umästudierä ….. bim ässä studierä isch euis ufgfallä, dass mir nur no hüt so ässäd im CHlapf!!! Morn fahräd mir nämlich wiiter uf Starvanger detä gömmer uf Nachtfährä. Nach 11 Stund simmer dänn in Hirzhals in Dänemark. Vo det us fahräd mir uf Sylt😊 Jaaaaaaaaaa…….. mir gönd uf SYLT!!! Mir schlafäd zwei mal i mä Hotel uf Sylt!! Dä Mike und ich fiiräd euisi 19 jörigi Liebi🥰!! Freu mi💃💃💃💃💃💃💃💃💃💃💃💃💃💃💃💃💃💃

Nach denä zwei Täg uf Sylt gats dänn wiiter uf Hamm zu mä Päärli wo dä Mike us ä mä Facebook Forum kännt. Det schlafäd mir no ä Nacht im CHlapf bi denä im Gartä und am anderä morgä gats scho wieder ab Richtig Näftäbach!!!

Bin jetzt grad chli vom Ässä studierä abtriftäd…. Also hüt ässäd mir uf jedä Fall no all diä feinä Sachä wo no im Chüelschrank liegäd und bis jetzt niemert hät welä🤭😂🤣

Also hüt wänd eus diä Norweger nid ä dä Oberflächi fahrä la…. All Hännäschiss äs Tunnel… di eintä sind 25 km lang…. die langä händ ab und zuä no so farbigs Liecht…. für was? Ke Ahnig🤷🏼‍♀️ I eim sogar än Farbverlauf… Also ich find das chli gspässig… dänn händs no müessä Parkverbotstaflä ufstellä…. Fals öppert sich i dem Farbverlauf möcht verwiilä…. käffälä oder Picknick🙄🙄🙄🙄🙄🙄🙄 !!! Im ganzä simmer sicher scho öppä 100 km im Tunnel gfahrä. (Und das nur hüt!!) Äs hät sogar i eim vo denä Tunnel än Chreisel gha, also so öppis hani scho grad gar no niä gseh!!

Ich mues unbedingt no erwähnä, det wos ä kei Tunnel hät, häts Bäch, Flüss, Seeä und sMeer und…… detä stönds im, am und uf äm Wasser diä Mannä am FISCHÄ 🎣🎣🎣🎣🎣 ja, han au scho ä Frau gseh, aber nur eini!! Und das machäd diä dä ganz Tag und au i dä Nacht (helli Nacht). Äs hät au überall so Stellä wo diä Fisch usgno werdet. Mä schmöckts grad, wänn so öppis i dä Nöchi isch🥴!! Aber ich mues scho sägä, diä Mannä händ ä schiiiisss Freud a dem was machäd😃!!

Hüt vor 3 Wuchä simmer mit euisärä Reis gstartäd……. Yeeeee…… mir händ sooooo froid gha das äs äntlich looos gat!!! JA… isch ja au lääässs… aber ganz ehrlich: ICH HAN GRAD CHLI GNUEG!!! Min Ruggä macht sit hüt bim Sitzä weh, mag nümmä sitzä, han au langsahm gnueg usä gluegäd und 504 Stund immer mit äm Mike bi ni mir halt au nid soooo gwöhnt!!!!! 7000km und ein Steischlag uf dä Frontschiiebä uf vierArschbaggä abgsässä….. scho no sträng, het ich niä dänkt!! Jetzt fahräd mir uf än Campingplatz und bliebäd detä zwei Nächt. Wäschä isch agseit und chli go lauffä… dä Mike wet go fischä (logisch)… freu mi, mal nid im CHlapf müessä sitzä.

Trollstigen isch ä Passstrass…. Im Zick Zack dä Berg duruf…. Ich chan eui sägä….. also wänn Talsiitä uf minärä Siitä isch😱 …. das gat polzä grad abä…. Also, ok…. was machsch nöd alläs für ä bombastischi Ussicht ☀️ sProblem isch nur, dä mit bombä Ussicht isch i dem Fall wörtlich is Wasser gfallä 🌧️ 🌫️🌧️🌫️🌧️🌫️🌧️🌫️🌧️🌫️🌧️🌫️!! Dobä acho hät das gschiifäd und isch richtig näblig gsie!! Mir händ dä CHlapf parkiert, euis am Wätter entsprechend agleit und sind am Turistämarsch hinä na zottläd🤭 Ja, äs wär bestimmt grandios gsie, wä mä öppis gseh het🤣

Bin dänn i so nän Turistäladä und han welä ä Postchartä vo dä Trollstigen i schöönäm Wätter chauffä. Wo ich dänn aber diä Schlangä vor dä Kassä gseh han, han ich diä Charä gföteläd und wieder in Ständer tuä💪🏻

Mir händ euis dänn nöd no länger i dem nassä Gebiet ufghaltä und sind wieder gfahrä zum Geiranerfjord! Vo denä Trollstiegen wo 1500m/üM alläs wieder uf dä anderä Siitä abä und mit Aalauf uf dä Nächst Berg (also diä Norweger händ dänn scho no Bergä… au mit Schnee druff)!! Dobä acho, ä würklich schööööni Ussicht uf dä Geirangerfjord☀️🥰. Hät aber sooooo viel Turistä gha, dass mich dä Mike gschickt hät zum gschnäll äs Foti machä und er hät uf dä Strass im CHlapf gwartät. Kein Parkplatz meh gha😱

Ich wieder is Auto ghüpft und wiiiieter gats….Also im Momänt nur ufä und abä…… plötzlich pipäts im CHlapf😱😱😱😱😱😱😱😱 Benzin isch glie alle…….. hmmmm…… wiet und breit ä kei Tankstell!!!!!!!!! Mir händ dänn aghaltä und googläd……. Eini gfundä👏🏻👏🏻👏🏻👏🏻👏🏻 Diä isch 40km ä weg und mir händ no Moscht für ca. 50 km🙄 chönt no spannänd werdä🤭 ….. isch äs au!! Immer häts pipsäd und s‘rotä Lämpli hät glüchdäd und ufä und abä isch Strass gangä….. plötzlich äs Dorf😅 gschafft👏🏻👏🏻👏🏻👏🏻 mir, also dä CHlapf, hät wieder Moscht und jetzt suchäd mir euis äs Plätzli zu pfusä!! Isch ja au scho 21:00 Uhr.

Han zerscht müesä luegä was mer für äs Datum händ……. mängisch weis ich ja nid ä mal, was mer für än Tag händ☺️ Also, gester simmer vo Hessdalen (UFO) nach Bud gfahrä…… gester bin ich au wider mal gfahrä💪🏻 Isch guet gangä, aber wänn mir amel so än Lastwagä oder suscht äs grossäs Gfährt entgägä chunt…. würd ich am liebstä Augä zu tuä😬 ich finds immer sehr knäbe, aber dä Mike seit immer….. hät no föörig Platz!!🤣 Chumä amel richtig zschwitzä wänn ich am Stüür sitzä!!(dä Mike glaub au😱) Wo mir in Bud uf äm Campingplatz acho sind, hämmer euis gschnäll Kuturfähig (duschäd🤪) gmacht und sind das Dörfli go aluegä…. So äs schnüggligs Fischerdörfli🥰 . Nach äm Spatziergang (7,6km) simmer wieder zrugg und händ Znacht gmacht!! Also ich sägä eui….. chochä im Camper isch nöd miis…… alläs soooooo äng und sganzä Material zämä suechä und nachher wieder soo versorgä das äs nid umäflüügt….. und….. alläs wieder abwäschä🙄Aber, fein isch äs glieeech gsie🥰

Di Dütschi Verteidigungsliniä im 2. Wältchrieg errichtäd 1941 da in Bud!! Das Museum simmer go besichtigä….. isch idrücklich gsie… aber halt so Chriegszüg🤷🏼‍♀️ Dä Mike hät das ganze gstudiert und häts spannend gfundä, für mich wär ä Shoping-Tour au spannend gsie🥳💃😇

UFOs hämmer keini gseh…… zum Glück😱 das wär ja öppis….. aber ich han mich inäs Fischerhüüsli gschlichä und ganz gschnäll ä Foti gmacht…. Und DÄ Rägäbogä wärend dä Fahrt!! Uf dä Foti gseht mer än gar nid soooooo schööön wiä ich än gseh han!!

Euisä gestrigi Übernachtigsparkplatz isch än ganz bsunderigä Ort gsie… mir sind in Hessdalen im Nationalpark und dä Platz wo mir stönd, isch än Pilgerort für UFO-Fans. Da sels seltsami Liecherschiinigä gä…

Hmmm……. also mir händ NÜÜÜÜT gseh…

Gester vor luuter Bruggä ganz vergässä zum erwähnä, dass mir gschlagni 5 mal uf ä rä Fährä gsie sind!!!! Mach das mal i eim Tag💪🏻 Im ganzä öppä 5 Stund mit CHlapf und Maa uf äm Wasser!! Schööön gsie….. mir sind immer dussä gstandä und händ euisi Haar im Wind fladerä la🤣😂! Öppä mal hani müessä Chappä aleggä🥶!! Und jetzt am anderä Tag stönd mir wieder i dä Kolonä für uf di nächst Fährä…..🚢 Git dänn nomal eini….. aber äbä….. ich als Copilotin, kei Ahnig🙈🤷🏼‍♀️ Jetzt hät dä Mike grad gseit segäd dänn 3 mal Fährä schwümmä……

Jetzt 21:00 Uhr simmer in Offersøy uf ä mä Campingplatz bi 20 Grad und Sunnäschii glandet. Herzigä Platz am Meer (isch grad Ebbe, sWasser isch öppä 100m weg)!! zerst natürlich grad di Sanitärä Alagä inspiziert 😳….. nei, nei isch voll ok!! (Bin nümä so heickel wiä am Afang vo euserä Reis🤣) Au suscht alläs voll guet. Dä Mike hät grad dä Strohm agschlossä und ich bin grad i mini Wohnchuchi und han euis än wunderbarä Znacht anä zaubärät…… Wienerli, Supä und Brot🥳 !! Fein gsie🥰…. Jetzt dänn go abwäschä, mal luegä was sich da so tuet!! (Mängmal erläbt mer da Sachä🙈🥳🫣😳🙄….. alläs möglichä!! Dänn gits ä Duschi für euis beidi….. (isch nöötig🙏) Diä chostet übrigens uf dem Platz no äxtra… 10 Kronen für 5min. duschä (Fr.1.-) Was sölls, das leischtäd mir euis hüt ä mal…. mä gönt sich ja suscht nüüt🤣😂😇