Wiä dä Titäl scho seit…. mir händ nüüüüt gmacht hüt🤭

Obwohl, 7km am Strand go laufä und dä Kite Surfer zuä lugä isch ja nid nüüt, oder?

Am Strand windets di fascht dä vo…. sWasser isch chalt…. Viel zchalt zum inä ga🥶 aber zum Füess inähebä gats😊

Ja, das wärs eigentlich scho für hüt🤗

Äs isch morgä am drüü und 2 Grad chalt….

Spanien wir kommen…

Hmm… ja mir sind abgfahrä, so uf dä Höchi Frässbalkä (Autobahnraststätte Würenlos AG) isch äm Fahrer—- ich nänä kei Nämä… in Sinn cho, dass sis Portemonnaie no di Hei liiit!! 🙈 Was sölls, mir wieder zrugg und ä Stund spöter wieder zNäfti gstartäd!!

Egal was jetzt no so di Hei umä liit…. mir cheräd nümä um!! 🤣

Churz vor Genf hät dä CHlapf no Benzin übercho… dä Mike dussä am tankä und ich nüt bösäs am dänkä…. beobachtä wiä ä Gruppä Franzosä (Mannä und Frauä) händ chli usgseh wiä Fahrändi (isch aber nur mini Interpretation 🤭) sich amänä Zürcher Auto mit Velo hinä druff gnöcheräd händ…. ich han no dänkt, det würd ich jetzt vielicht nöd mis Auto parkierä🤷🏼‍♀️… im gliechä Momänt fahräd grad zwei Chastäwägä anä voll mit Polizischtä…. alli stiegäd us und händ diä gspässig Gsellschaft ikessläd!! Und iiich live da bei🎥 nei, nei ich hans nid gfilmäd.. (vergässä😇)

Kei Ahnig wiäs dänn wiiter gangä isch…. dä Mike isch fertig mit tankä gsie und mir sind wiiter gfahrä…

zGenf über dä Zoll und schwup di bub simmer bi dä Franzosä…. 🇫🇷 sWätter hät sich mitlerwiilä au besseret…. nümä immer nur schiitwetter, sondern mängisch schiint da also au Sunnä☀️ bi 23Grad.

Äs hät eus wortwörtlich dur Frankriich gwindet…. 70h/km und das uf dä Autobahn mit äm CHlapf!! Ja, dä CHlapf isch 3,5t … und mir zwei sind ja au kei Fäderli🤣😂…. aber mir händs dänn scho gmärkt!!

Äs isch 16:23 Uhr und mir fahräd über Grenzä… e viva espana 🇪🇸

17:00 Uhr simmer uf äm Campingplatz aquarius in sant pere pescador Girona acho…..

Da bliebäd mir bis am Mäntig☀️

Dä letschti Tag hät mit 🩹 Pflaster und Desinfektionsmittel agfangä😬!! Jaaaaa…… so än typischä Huushaltsunfall!! Dä CHlapf hät sooooooooooo dräckigi Schiebä gha😝😝😝😝 Vogelschiss und Muggä chlääbäd uf dä Frontschieebä!!! Sorry, aber das gat ja gar nööd👎 das laat mini Huusfrauäehr nöd zu, dass mir mit ämä sooo dräckigä Auto dur ganz Dütschland durä fahräd….. was seläd dänn diä anderä dänkä???? 😇😜😇 Nei, nei….. ganz ä soo isch äs nid gsie….. han grad no än nassä Lumpä i dä Hand gha und no welä gschnäll diä dräckig Schiebä putzä….. gesagt getan💪🏻 🧼 ich bin uf än Stuel gsigä (neiiiiiiii….. nöd abägheit🤣) und han dä Lumpä gschwungä!!! Mit dä linggä Hand han ich mich im Türrahmä (Türä offä) ghebäd. Hmmmm…… wiä söli das jetzt gnau erklärä🙈 also guet!!!!! Dä Mike isch cho und hät Türä zuä gmacht😬🤪😱🤬!!!!!!! Das isch äs scho gsie🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬ja…… ich han grad uf mini Lag ufmerksahm gmacht!!!!! Er hät diä Türä au grad wieder uf gmacht…… aber…………. scheisse hät das weh gmacht!!!! ICH: ganz cool….. vom Stuel abä und chli mit verzehrtem Gsicht im Chreis gloffä!!! Han mi mega zämä gno👏🏻👏🏻👏🏻👏🏻👏🏻 nüüüüt böösäs gseit!!!! Würklich!!!!! ER: uiiiiii……. das hani nid welä……. Uiiiiii zeig ä mal!!!! Uiiiiiii😱 Uf jedä Fall han ich mich eidütig amä falschä Ort ghebäd, aber glieeeech……. duet mega weh😩 Drüü Finger!!!! Dä chli, dä Ringfinger und dä Zeigfinger!!!!!!!!! Jetzt drüü Stund spöter isch alläs versurräd…… am Ringfinger häts ä relativ tüüfi Schnaterä gä….. detä hani äs Pflaster druff!! Dä chli isch blau und dä Mittelfinger häts am Nagel verwütscht, au blau!!! Suscht alläs guet🙄 Dä Spruch vom Mike: wo gehobelt wird, fallen Späne!!!! (Ha ha ha ha)

Sit am halbi elfi simmer wieder uf dä Strass!! sNavi seit… Ankunft 17:53 !! Aber das isch ja ohni Pausä🙄 und ohni Stau🫣…… und äs glaubts ja niemert…… scho haperäts und mir müend brämsä…… 🏗️ ⚠️ ….. wiso müends immer diä Strassä ufriisä? Sind ja no guet!!! Diä seläd mal uf Schwedä…… ich sägä eui…… dass sind Strassä😬👎😱 detä langäd ä sarnierig nümmä….. det würs ä komplett neuis Strassäkonzept bruuchä!!! Zum Glück nid miis Problem🥳🥳🥳🥳🥳🥳

Ich han ja scho mal gschriebä, dass mir mega Glück gha händ mit äm Wätter…… au hüt ☀️ keis Wülchli am Himmel👏🏻👏🏻👏🏻!! Aber wiso mues äs dänn grad 30 Grad sie? 🤪😰 das isch doch völlig übertriebä!!!! Bi 34 Grad simmer abgfahrä vor 4 Wuchä…… ohhhh ich han mich gfreut Richtig Nordä zfahrä….. und das hät au tip top klappät!! Isch immer chüeler wordä….. 8 Grad isch s‘chüelschtä gsie….. ja, das hets jetzt au nid grad müessä, aber mä cha ja nid wünschä🤭 Aber jetzt wieder 30 Grad!!!!! Au nöd min Wunsch gsie🥵🥵🥵🥵🥵🥵🥵🥵🥵🥵🥵🥵🥵🥵🥵🥵🥵🥵🥵

Sodeli….. und jetzt no a alli wo euis mit dem Blog läsä uf euisärä Reis begleitäd händ….. isch schöööön gsie mit eui!!! Ihr sind sooooooo herzig, ehrlich, luschtig und di eintä au ganz still gsie mit eunä Kommentär!!!! Dankä da defür👏🏻👏🏻👏🏻👏🏻 äs hät erstuhlucherwiis richtig Spass gmacht immer chli öppis z‘schriibä und äs paar Föteli ufäzladä….. Bald simmer di Hei….. äs grosses Tschüss uf dem Blog…. und hoffentlich glie äs hoiiii im richtigä Läbä😉

EUISI NÄCHSTI REIS CHUNT BESTIMMT!!

Morn ä morgä dörfäd mir no go zmörgelä bi denä zwei☺️ und dänn machäd mir euis uf dä Wäg Richtig Neftenbach!!! Äs wird Ziit!!!!! Han grad vorher zum Mike gseit….. läck händ mir äs puff i euisäm Camper🙈🫣 Äs Chäschtli isch hüt au no kaput gangä…… dänn hani müesä alläs was det inä gsie isch noimät anderst verteilä….. hmmm….. jetzt hämmer so äs richtigs puff und ich find nüüt meh🤭….. jetzt no sBett frei schuuuuuflä (alläs uf ein Huufä und uf dä Fahrersitz🤣😂) und ab is Näscht!!

6:00 Uhr Tagwacht…🫣 Nei… 🥳 ich freu mi💃💃💃 erstens machäd mir hüt öppis, wo mir nonig gmacht händ….. Zug fahrä mit äm CHlapf und… mir sind uf äm Heiwäg!!! Freu mi wieder uf di Hei🥰

Mir händ ja äs Wätterli da uf Sylt…… bis uf Schnee ❄️ hämmer glaub alläs….. mängisch windäts ä so, das mä sich richtig in Wind 💨 inälegä chan….. oder us ä mä gmüetlichä Spatziergang wird plötzlich än Joggingewent ….. dänn brännt Sunnä ☀️ abä als gäbs keis morn meh und ei Minutä spöter schiffäds ⛈️ wieder….. mä dörf nid ä mal as Meer abä!! Det unä chutäts no me….. MIR sind hüt go shoppä… mä cha sich das öppä so vorstellä: Ich— ohhh lueg detä, da gömmer inä!!! 💃💃💃💃 ER— ahh nei, ich wartä dussä!! Da chasch ja als empatischi Partnerin nöd würklich mit volläm Elan dim Shoppingvergnüegä fröööhnä, oder🫣 ??? Er hät sich aber no rächt guet gmacht!! Aber ich also au!!! Bin zwei mal mit uf äs Bier 🍺😜 Uf jedä Fall hämmer än schööönä Tag uf Sylt gha🥰 ohhh…. no fascht öppis vergässä🙈 dä Mike hät no sBedürfniss gha sich zverschöönärä😜 Friisä hät müesä dra glaubä…..💇‍♂️ s‘verschöönärä isch glungä🥰….. Mit sooooo mä schööönä Maa chamä scho no chli under dLüt zum go Znacht ässä☺️

Mir händ ja schöööön Glöggli gha!!!! Het kein Tag meh länger dörfä ga euisi Reis…… Sie lönd ä kei Wohnmobil meh uf dLofoten….., isch no dä einzig Ort in Norwegä, wo sWätter schöön isch☀️☀️☀️☀️ Lofoten sind voll!!!! Uf äm Festland gönd Flüss und Seeä über sUfer und 77 Strassä sind nümä befahrbar🙈🙈🙈🙈 äs tuet mir für alli anderä Leid….. aber mir zwei händs wunderschöön gha, ohni ⛈️!!!

Sodeli, jetzt no pfusä das mer morn fit sind für dä Rest……. morn ä morgä fahräd mir mit euisäm CHlapf Zug…….

Überfahrt uf Sylt au sehr stürmisch… dWällä händ sogar bis i Schiff inä gsprützt… dä CHlapf hät grad ä Salzduschi übercho 😜

Chum uf Sylt….. han ich mich grad i diä Inslä verliebt🥰 da isch äs mega schöööööön!!!

Äs isch jetzt 10:15 Uhr und mir höckläd im CHlapf und wartäd bis mir dra sind zum us äm Schiff usä fahrä……. 7:30 Uhr hettäd mir selä aleggä…… kei Ahnig wiso mir sooooo viel Verpötig händ🤷🏼‍♀️ han jetzt grad chli dAutonummerä i minärä Umgäbig gstudiert….. vor euis staat än Camper mit Californischä Nr. , dä näbäd än Dütschä und än Belgier, hinä dra än Italiener und än Norweger….. grad ä chli International 🇺🇸 🇩🇪 🇧🇪 🇮🇹 🇳🇴 und 🇨🇭!!! Mir wartäd immer no…. jetzt hät grad sFroilein us äm Lutsprächer uf alli möglichä Sprache erklärt, dasd äs verzögerigä git!! Aber warum…. nei!! Für was sel mä das au sägä!!! Diä Lüt seläd nur chli rötlä was da so abgat😏 10:34 Uhr und mir sind jetzt dussä💪🏻 Irgend ä Ebeni hät nöd so wiä sölä….. ganz viel händ müessä hinderschi usä fahrä🙈 aber jetzt egal…. Grüezi Dänemark🤗 äs schiffäd bi 12 Grad und mir machäd euis uf dä Wäg uf Fährä wo euis uf Sylt bringt!! Öppä 4-5 Stund quer dur Dänemark durä!! Ohhhh….. hoppla da stürmts nid schlächt!! Schüttläd dä CHlapf grad chli durä🫣 💨 ⛈️

Mitlerwiile schiffäds nümmä… sogar Sunnä isch da… aber äs stürmt immer no wiä veruckt!! Uf ärä höchä Brugg händ alli müesä ganz süferli drüber…. 🐌 suscht hets euis glaub samt äm CHlapf obä abä gluftäd😂🤣 Dä Mike hät das aber alläs tip top im Griff!! Zum Glück fahrt er🙈 … mich hets scho lang i nä Siitäplankä gschletzt😜

Ich glaubä fascht….. Dänemark wet euis niiiid🤣😂….. Also ich mues scho sägä….. schöööni Strassä händs da!! Und… topf ebä….. keis Bergli oder äs Hügeli!! So, jetzt simmer dänn grad quer durä und ab uf Fährä⛴️

Super guet gschlaffä…… im Bett, keis Problem, aber…… sobald mä staat😱 schwankts wiä veruckt 😜 öppä so wiä wännt 7,8,9 zviel gha häsch!! Bim Zmorgä muesch ufpassä das dä Kafi nöd zum Nachber überä gütschlät…. Euis isch no ä Frau uf Krückä entgägä cho…. sBei brochä🙈 Also mit Krückä lauffä wänns schwankt💃💃💃💃💃💃💃💃💃💃💃💃💃💃💃💃💃💃💃💃💃 mir händ grad ghört, dass mir nöd in Hirtshals sondern in Frederikshven aleggäd!! Wird vielicht besser gsie sie bi dem Sturm🤷🏼‍♀️ kei Ahnig, aber egal….. Hauptsache wieder festä Bodä under dä Füess wo nid schwankt🤣😂… nei, nei isch garn nid sooooo schlimm!!

Hoppla…… ja das isch mal ä Fährä…..🥰

Jetzt isch halbi nüni und mir sind immer no im Hafä… übrigends isch euis empfolä wordä, mir seläd Reisemedis nä!! Sind dänn no in ä Apotheke go holä!! Äs stürmt scho da im Hafä….. wiä wird dänn das uf hoher See😱 !! Bin gspannä…. uf jedä Fall gani no go luegä wo diä Rettigsboot sind 🛟🛟🛟🛟🛟🛟🛟🛟🛟🛟🛟🛟🛟🛟🛟🛟🛟🛟 Ohhh….. jetzt gats glaub loooos!!! Ganä aber nid usä go fötelä…… äs stürmt und strätzt i alli Richtigä🫣 hoffed mir mal, dass diä Medis irän Zwäck erfülläd🙏