Au das muesch mal erläbt ha… SCHLAFÄ UF Ä RÄ AUTOBAHNRASTSTÄTTE!!
Äs hät gschiffäd, gwitterät, isch belüchtäd, eis gehupe (Alarmalagä und halt eifach vor Freud), di eintä händ dä Motor laufä la und überhaupt…… mir händ das jetzt mal gmacht (freiwillig!!), diä armä Siechä wo das jedi Nacht müend machä…..das wär definitiv nüüüt für miich!!
Sodeli, scho 10:00 Uhr und mir sind bi dä Franzosä…. sNavi seit, i 5:16 Stund simmer di Hei!!
Händ gschnäll äs Päusli gmacht…
🤣😂 guet hämmer diä Übersetzig nid bruucht😱
Mir sind a dä letschtä Kilometer am Fahrä….. da redäds zwar immer no französisch, aber nümä lang!!
Schöön gsie euisi Feriä 🌴☀️⛱️
Aber nach dä Feriä isch au immer wieder vor dä Feriä…..
06:20 Uhr simmer uf äm Campingplatz im Südä vo Spaniä abgfahrä……
Mir händ euis sHeifahrä öppä ä so vorgestellt: chli fahrä… noimät wos schöön isch, pfuusä u.s.w. bis mer di Hei sind!!!
Ich han chli befürchtig, dä CHlapf hät HEIWEEEH!!
Jetzt simmer scho 10 Stund uf dä Strass und er wet immer nonig a nä schöööns Plätzli🤷🏼♀️
🤭🤭🤭🤭🤭🤭🤭🤭🤭🤭🤭
Mir (Spitzäfahrer-Mike und Hol-und-bring-Gummslä und DJ-in Coni) höckläd au sehr gmüetlich…… schööööni Landschaftä, türkisblaus Meer, Oliväbäum wot anä luegsch, Sunnä aber au Rägä und natürlich alli euisi Mituftäautobahnfahrer…..
Mir unterhaltet euis mit verschiedenes…..
Euis sind vom Michel Mittenmaier sinerä Comedy vor Lachä Tränä cho🤣😂
Mir singäd und pfiiffäd 🙉🙉🙉🙉🙉 zu Queen, Johnny Cash, Beyoncé „Texas hold em, Trauffer, Oesch die Drittä „Ku-Ku Jodel“,Peter Maffay „über sieben 🌉, Henry Valentino (au än altä Schunkä😇) „Im Wagen vor mir“, „rote Lippen soll mann 😘“….. „Ruf Teddybär 1-4 „(da chömäd mir immer Tränä) ICH liebä Schlager🥰🥰🥰🥰 ICH han au fliessieg gsungä….. ja!!! ER: dä Chopf gschüttläd , weiss garn nid warum🤷🏼♀️
Zum Chopf schüttlä jetzt öppis für min Fahrer🥰 AC/DC Hells 🔔
Mä gsehts jetzt nid grad, aber ER isch abgangä🥱1137km simmer gfahrä
Jetzt stönd mir uf ä mä Parkplatz anärä Raststätt….. ganz vieeeel anderi schlafäd da….. (Laschtwagächaufförä)
Ja, hüt namal so richtig dSunnä ☀️ gnüüüüssä!!!! Morn ä Morgä wär dä Plan, wieder Richtig Heimat 🇨🇭 z‘fahrä… das gat ja schliesslich nid i eim Schnurz…. ä so zwei mal irgenwo pfuusä wär no guet!! (Voralem für dä Fahrer🥱)
Ich machä hüt no äs paar Föteli ….
Dä Usblick vo euisäm Bett….Usblick vo hinter äm Fahrer….Under denä Bäum hämmer dä CHlapf parkiert…All morgenlichi Usbüti vom Lädeli…Blüetästaub a örtli wo mä nöd würd dänkä🙈
Jetzt hämmer euisi tuuuusig Sachä zämä packt…..
Alläs parat, dass mir morn wänn mir nümä chönd schlafä….. abfahrä chönd!!!
Das glaubt mir kein Mänsch… jetzt isch mis Abwäschmittel scho wieder wiä vom Erdbodä verschluckt…. Ich han dä CHlapf durchsuecht, sVorzält dedektiefisch untersuecht, han min gestrigä Usflug zum Abwäschbecki namal revü passierä la….. äs isch scho s‘drittä mal verschwundä!!!! Das chan nur ä so gsie si Gester: ICH mit äm ganzä dräckigä Gschirr nach äm Znacht, det fürä……
Hät grad no än freiä Trog gha…. Alläs fein säuberlich abgwäschä und wieder zrugg is mis Becki gleit!! Hinter mir ufs Müürli gstellt und dä Abwäschtrog wo ich brucht han, putzt!! (Bini glaub di einzig wo das macht😱) Genau i dem Moment mues mir einä/eini/öppert/Saucheib mir mis ABWÄSCHMITTEL
klaut, gstollä, usglehnt ha!!!!
Ich hans uf jede Fall scho zum dritä mal nümä…
Dä wos hät und bruucht, bi dem sells nöchste Ässä so richtig seifig schmöckä🤭🤣😂
Nach dem Abwäschmitteldesaster simmer uf euisi Velo ghockäd und am Strand na gfahrä….. nei, nei…. nöd im Sand…. da häts än mega schöönä Holzsteg wo vo Ort zu Ort am Strand na füert!! Das händs gmacht, wil diä Dünälandschaft Naturschutzgebiet isch….. händs richtig guet gmacht👏🏻👏🏻
Schööönä Usflug gsie🥰
Jetzt no chli sünnälä und dänn isch dä Tag au scho wieder verbie…..⛱️🌴☀️🏊♀️🕶️
Hüt liegäd mir am Pool uf eim vo denä blauä Liegestühel…. Bequemer als am Bodä, aber jetzt nöd grad : DA WÜRD ICH ÄS PAAR STUNDÄ BLIEBÄ!!
Halt eifach Liegestühel 🤷🏼♀️!! Wil mis Chnüü nöd ä so wet wiä ich….. CHNÜÜ: eifach liegä und so wenig bewegä wiä möglich!! ICH: wär gärn chli am Strand go spatzierä gangä🤷🏼♀️
sCHNÜÜ hät gunä…. mir liegäd uf ä mä blauä Liegesthuel🤭
Chli langwiiiiiieeeelig…… ich han äs Buech da uf äm Campingplatz usglehnt (im Wöschhüüsli häts äs Gstell mit Büecher wo mä nümä wet) ich han kei Uswahl gha….. das wo ich jetzt lisä, isch sEinzigä wo uf dütsch gschriebä isch!! Aber besser als nüüt!!
Han mich druf ilah….. gar nid soooo schlächt🤭Herrlich dä Göfer bim spielä zu luegä🥰Dä Mike isch au beschäftigt 🥰
Da uf äm Campingplatz häts no ä Holländischi Familiä mit ä mä beeinträchtigtä Bueb… öppä 13 jörig… er spielt sehr gärn mit so chlinä Bäll im und ums Wasser….. han dänn au mal no chli bälälät mit dem Bueb… er hät schieeessss Freud gha🥳 (Elterä au🤭)
Dä Hunger rüeft……
Pöstelä….Dä Maa, wo er anä ghört😂Hät ER super gmacht👏🏻👏🏻👏🏻Und jetzt no chli spielä….
Äs isch 9:00 Uhr und äs hät agfangä mit rägnä…..🌧️🌦️☔️ und isch mega chüel wordä🥶 nüüt mit churzä Hosä und Flip-Flop 🩴🤷🏼♀️
Han grad no alläs chönä is Vorzält ruumä….
Ohhhh…… han gester no vergässä z‘schriebä, dass mir uf äm Campingplatz bsuech gha händ…. 🐗
Hät für ä Sau-stimmig gsorgt😱🥳😂🤣
LOOOOS GATS….. 🛍️🛍️🛍️🛍️🛍️
Euisi spanischä Fründä händ euis abholt und händ vo ihrem Gartä no Zitronä und Orangä mitbracht….. MERCI🥰
Öppä so wiä sGlattzentrum🛍️🛍️🛍️Dä Maa hät also meh i dä Täschä gha we ich…… komisch🤭🤷🏼♀️ diä Tubä i dä mitti isch für mis Chnüü…. hoffä bringt chli öppis🙈
Nöd sooooo eifach….. im Wöschhüüsli häts 5 Wöschmaschinä wo IMMER bsetzt sind….. diä Frauä stöönd a zum wäschä!!!!! Lan dir das mal dur dä Chopf ga….. diä stönd a zum wäschä!!!!
Okeeeee…… ich au🙈🙈🙈🙈🙈
Han müesä….. suscht hetäd mir gstunkääää😱
Uf dem Mürli simmer alli höckläd wo händ welä wäschä….
Wo ich dänn äntlich dra cho bin, hani mini Wösch inä da und bin wiä äs jungs Rehli bis a Strass fürä gloffä (äntlich isch diä Wösch dinä!!)
Schwub di bub lieg ich mit allnä vierä uf dä Strass….. ich han 🤬😢🤬😱
Het selä bim Gitter durä…. bini aber niid…. Bin am öppis umästudierä gsie…🤷🏼♀️Han küeläd….. duet huerä weh…..
Und jetzt zumänä anderä Thema:
🛍️🛍️🛍️🛍️🛍️🛍️🛍️🛍️🛍️🛍️🛍️🛍️🛍️
SHOPPING
🛍️🛍️🛍️🛍️🛍️🛍️🛍️🛍️🛍️🛍️🛍️🛍️🛍️
Da chasch wiiiet und breit nienäts go shopping machä…… das gat ja gar nid…… ICH hans nid chönä glaubä, han dä Mike chönä überschnörä ufs Velo zhockä und uf Lädeli suechi zga!!!!
NÜÜÜÜÜT!!!!
Äs hät NÜÜÜÜT!!!!
Sorry, doch öppis hämmer gfundä…. än Lidel🙈
Mir sind da ebä bi dä riiichä und schööööönä😂🤣 diä gönd halt nid i so Lümpä-Lädä….. und diä da uf äm Campingplatz sind hauptsächlich Spaniöggel und setigi uf dä Durchreis…. diä gönd anschienend au nöd i so Lädä….. schaaaade… das isch mir also ä Lehr!!!! Kein Campingplatz ohni Lädelistrass i dä Nöchi🤭
Morn gömmer inäs Einkaufzentrum mit denä zwei wo mir bsuecht händ!! Bin ja gspannä ob ich morn uf mini Chöstä chumä🛍️🛍️🛍️🛍️🛍️🛍️🛍️🛍️
Morn sets bi euis schiffä….. gseht bis jetzt aber nonig so us… mal luegä🤷🏼♀️
Äs guets Plätzli für euisi Dratesel…. nöd das diä no wäg chömäd😱Sand = heiss / Meer = chaalt 17 Grad / Luft im Schattä 25 GradWä mä mal dinä isch…. isch gar nid sooo chalt☺️Euis kännsch ja🤭Durscht
Hüt morgä bi ni verwachäd und han gmeint ich heg Nacht i mä nä Vogelchefig verbracht….. eis ge pfiffe und umä geflügä ob äm CHlapf . Also wänni dänn scho wach bin… gani doch an Strand fürä….
Mega schöööön…. ganz ä lei…… arsch chalt…. kein Witz 7 Grad 🥶
Iich im Pyschi und ä mä Trainerjäggli!! Aber soooooo schöööööön gsie🥰
Wäräd ich am Strand dä Suunä zuägluegäd han wiä sie uf gat, hät dä Mike än Logenplatz gha im Campingstuhel…. Dä Vis a Vis hät sini sibä Sachä zämä packt und hät sinärä Frau gseit, sie sell in usä lotzä…. gesagt, getan…. Mann im Camper am rückwerts fahrä und Frau hinä dra am umä fuchtlä…. Mann verstat: fahrä, alläs ok!! Frau meint: stop da häts äs Wohnmobil!!
Hmmmm…… jaaaaa genau!!! Äs hät klöpft🤷🏼♀️
Diä im Wohnmobil händ no gschlafä…. aber vo dänn a nümä🤣
Frau wo gwunkä hät: ICH HAN JA GSEIT DAS DA ÖPPIS STAAT!!
Maa wo gfahrä isch: hät nüüt me gseit!! (Dä kännt ja sini Frau😂🤣)
Au mir händ dänn euisi siebä, acht, nün Sachä zämä packt…. Dä CHlapf isch parat…. Dä Mike hät no dä Hushalt gmacht (jaaa, das isch Mannä-Sach😇👏🏻)
Und scho simmer unterwägs… nei, nei…. Ich han än nöd us äm Platz glootst….. wot ja nid das äs namal chlöpft😂
Bauhaus gseh und nöd chönä wiidersta🙈
Muesch äm Maa ja öppis ztuä gä… suscht wirds äm no langwiielig, oder🤷🏼♀️
Än Flügävorhang wos scho fertig git, ummodlä das dass Ding au an CHlapf anä passt, isch diä neuscht Bastelarbät…. Schruubä und so Zügs kauft und wiieter gat euisi Reis!!
Was äs so alläs gseh git uf dä Autobahn
Uf äm ganzä Wäg häts links und rächts vo dä Autobahn mega Plantagen mit Olivenbäum, Orangenbäum, Zitronäbäum, verschidnigs Gmües und Baumschulä… Palmä und Paplä
Cools Foti uf dä Autobahn 🚚
Gsehsch dä CHlapf?
Än riiiiirsä Stier us Bläch
Äs isch 18:30 Uhr und mir sind immer no unterwägs…… mal luegä wo das äs euis anä verschlaat zum pfuusä🤷🏼♀️
Mike und Coni unterwegs 