Hmmm…… er fahrt und ich mues für rund umä luegä!!! Isch doch keis Problem 🥴 Also ich bin da glaub nid die richtig uf äm Biefahrersitz….. mini Qualitätä liegäd da ganz noimäd anderst!!! Isch aber au sträng so näbäd äm Fahrer….. sNavi istellä, suech mal i 250-300km än Campingplatz oder lueg da, lueg detä und das alläs wäräd äm fahrä…… 🤢da wirds mir schlächt!!! Und da in Norwegen und in Schweden wo diä Schilder mit denä Ortsnämä sooooooooo eifach zum merkä sind😬 Ich han dänn mal dä Vorschlag gmacht, ich duen dänn scho au mal fahrä….. NEI, NEI das isch scho guet ä soooo!!! Duen du nur mal chli für sAnderä luegä!!! (Was heisst jetzt das wieder🙄)

Under fascht jederä Brugg häts ja Wasser… under dä erstä Brugg „Saltstraumbrua“ häts gewaltigi Strudel!!!!! Mega idrücklich…. Mä mues aber zfuess uf diä mega höööööch Brugg und det abä luegä😱🫣 ich wird uf sAlter immer ängstlicher….. han sogar Fremdhöhäangst!!! Het am liebstä allnä gseit, sie seläd nid soooo nöch as Bruggägländer staa….. da chasch ja fascht nid zuäluegä🙈 Dä Mike hät dänn müessä das mit äm Video machä…. Übrigens isch das dä grössti Gezeitästrohm vo dä Wält!! Und MIR händ dä gseh……👏🏻👏🏻👏🏻👏🏻👏🏻

Jetzt no än Gletscher…… richtig imposant!!

Ganz chli gseht mä no äs Chrützfahrtschiff 🛳️!! Das isch Marina und diä sind äxtra wäg dem Gletscher det hinderä tückerät und jetzt wieder zrugg……. Mir stönd da am Hafä und wartäd uf Fährä für uf diä anderi Siitä….., detä suechäd mir dänn wieder äs di Hei für ä Nacht.

Das mal hämmer uf kein Fall welä diä Letschtä sie wo uf Fährä fahräd🤭🤣Mir sind sogar zforderst i dä drittä Rheiä gstandä….. händ öppä 15 min. gwartäd und dänn isch dä Kutter azschwümmä cho…..🚢 Zerscht hät das Schiff müesä alli Auto und WoMo wo i sim Buuch gsie sind, usäspoizä😂… da händ mega vieeeel Platz i so mä Schiff!!

Schiff leer…… diä vo dä Staff händ dänn gwunckä und dänn isch loooos gangä…… also diä Mannä händ das also voll im Griff💪🏻 Das hät chli öppis vo Tetris……

Mir natürlich gfolgät und schööön det anä wo er euis hät welä!! Dänn ab ufs Deck…… Föteli machä☺️

Mir sind hüt Namitag da uf dem Campingplatz „Moskenes Camping“ glandet…… mir sind ja scho uf mängä Plätz gsie…. aber dä isch dä hammer!! Ä grandiosi Ussicht uf dä Atlantik….. so Terassäförmig agleit……. Mega suuberi und grosszügigi Sanitäralagä…… und grad detä wo Fährä isch. Da häsch au Möglichkeit für Wanderigä, zum Fischä, Kanu fahrä……. Ja!!!! Ich chönt Werbig machä für dä Platz🥰

Gester hät euis än Herzensmänsch verla und isch uf sini letschti Reis gangä…..

Keis Problem….. mir haltäd eifach a, und chochäd halt schnäll öppis 👩‍🍳

Ganz am Afang vo dä Lofotä euisä Platz zum schlafä….. (Wild)

Dä Mike hät nümä chönä zuäluegä, wiä ich i Natur usä gluegät han und mich quasi uf Elch spezialisiert han🧑‍🎓… und wiä scho mal erwähnt, immer no keinä gseh han😢!! Mir sind unterwägs in Polar-Park (Bruederhuus in Norwegä)!! Sodeli, jetzt aber go Elch luegä!!!! Wo mä dänn am Elchghäg gstandä sind isch promt einä detä am frässä gsie…… än jungä chlinä Elch!! Ja, aber ich han doch welä so äs riiiisä Vich mit ä mä mega Gwei gseh🤷🏼‍♀️!! Nüt isch, mir müend euis zfriedä gä mit dem!!

Überall und immer wieder stönd uf dä Strass so Achtung Elch Taflä!!!! Sit mir in Schwedä acho sind, dur Finnland und au jetzt in Norwegen, händ mir no kein einzigä Elch gseh…… sogar i dä emoji häts än Elch🫎, aber da also NEI!! Rentier, Schöfli, Geissä, Mövä und Muggä hämmer scho gsichtäd, aber diä berümt berüchtigtä Elch nöööd!!! Mir händ dänn mal au Lüt gfögät, au diä nöd. Vorher hani grad am Strassärand diä ominösi Elchtaflä gseh, dänn grad ä Taflä mit ä mä Fotiaparat druf und nacher dä Blitzer!!! Chönt ja sie, das mer wä mä zgschnäll gahrt, ä Foti überchunt vo mä Elch🤔🤣😂 Uf jedä Fall lueg ich wiä än Häftlimacher öb ich irgendwo so än ELCH gseh !!