Nach ärä guetä, ruigä und erholsame Nacht hämmer beschlossä, Potsdam go aluegä. Mit äm Zug simmer det anä… isch natürlich für ä Städtereis nöd grad s‘idealä Wätter🤪… gefühlti 45Grad!! Aber was sölls, jetzt simmer da und luegäd euis das alläs mal a. Vieeeel schööni Hüser häts da, Chilä, Schlösser und Dänkmöler!! So ä schöni Altstadt mit chlinä herzige und coolä Lädä häts jetzt nöd grad, oder mir händ halt eifach nöd gfundä!! Potsdam isch äs bizzeli grösser als Winti, aber mir gfallt Winti also besser. Öppis go ässä simmer imä ganz coolä Resti gsie. Extrablatt häts gheissä und so händs au ihri Spiischartä gmacht. sÄssä isch sehr guet gsie und s‘chüelä Getränk bitter nötig!! Dä retour Wäg hämmer nid welä mit äm Zug machä… mir sind uf Schiff!! Mega läss gsie. Dä Fahrtwind……. herrlich!!! Usssicht……. fantastisch!!! Än schönä, heissä Tag gat langsam zEnd…… mir höckläd uf euisnä Campingstüel, luegäd in See usä und lönd euis vo dä Muggä stächä🙈